Их эзэн Чингис хааны сүүлийн зарлигийг биелүүлэхээр түүний ахмад ач нар Зүчийн хүү Батын удирдлаган дор Европ руу давшиж Унгарын Эстергом цайзад тулж ирнэ. Эстергом цайз ялагдвал Бат хааныг зогсоох хүч Европт үгүй болсон байв. Тиймээс цайзын хамгаалагчид Ромын пап ламаас дэмжлэг хүсч захидал илгээжээ. Гэтэл Ромын пап ламын элч хэмээн ирсэн нэгэн ламтан ертөнцийн түүхийг ч өөрчилж болзошгүй санаа агуулж, төлөвлөгөө боловсруулсан байсныг цайзын хамгаалагчид мэдсэнгүй. Өгөдэй хаан тэнгэрт хальсан мэдээ цайзыг бүслэн дайралтанд бэлтгэж байсан Бат хаанд ирлээ. Аавыгаа өөд болж хаан ширээ эзгүй болсныг мэдсэн хүү Гүег, хаан ширээнд суух нууцхан горьдлого тээсэн Цагаадайн ач хүү Бүри, Бүригийн баруун гар цэргийн жанжин Хаш нарын дунд Бат хааныг далдуур эсэргүүцэх болов. Бат хаан цагаан сар тэмдэглэх шийдвэр гаргасан нь эсэргүүцлийн гал дээр тос нэмлээ. Энэ бүх төвөгтэй байдлын дундуур Унгарын хаант гүрний үнэнч зарц, цайзын доторх жижиг сүмийн санваартан чин сэтгэл, зоригийн хүчээр Бат хаантай уулзаж, эх орноо төдийгүй Европ тивийг аврах сэтгэл төрүүлж чадав. Харин яаж?